பான் அட்டை தொலைந்து விட்டதா?? டூப்ளிகேட் கார்டு வேணுமா?

இந்த பான் கார்டு எப்போதுமே உங்களிடம் இருக்க வேண்டியது அவசியம். ஒருவேளை பான் கார்டு தொலைந்துவிட்டாலோ அல்லது திருடுபோனாலோ என்ன செய்வது?

பான் கார்டுக்கு நீங்கள் ஆன்லைனில் விண்ணப்பிக்கலாம். அதற்கு வருமான வரித் துறையின் பான் கார்டு சேவை பிரிவு இணையதளத்தை பார்வையிட வேண்டும். அதற்கு https://www.tin-nsdl.com/ என்ற லிங்க்கை கிளிக் செய்யவும். உள்ளே சென்றதும் முகப்பு பக்கத்தில் உள்ள “Reprint of PAN Card” என்ற இணைப்பை கிளிக் செய்யவும். இப்போது ஒரு புதிய பக்கம் திறக்கும். அதில் உங்கள் பான் கார்டு விவரங்களை நிரப்ப வேண்டும். உடனே பான் கார்டுடன் பதிவு செய்யப்பட்ட மொபைல் எண்ணுக்கு OTP வரும். அந்த OTP நம்பரை நிரப்பி “Submit” கொடுக்க வேண்டும்.

அடுத்ததாக, பணம் செலுத்த பரிந்துரைக்கப்படும். கிரெடிட் கார்டு, டெபிட் கார்டு, நெட் பேங்கிங், டிடி அல்லது காசோலை மூலம் பணம் செலுத்தலாம். பணம் செலுத்திய பிறகு ஒப்புகை சீட்டு வரும். அதை சரிபார்ப்புக்கு நீங்கள் வைத்துக் கொள்ளலாம். விண்ணப்பித்த பிறகு புதிய பான் கார்டு பெறுவதற்கு 15 முதல் 20 நாட்கள் ஆகும். சில நாட்களில் உங்கள் பதிவு செய்யப்பட்ட முகவரிக்கு பான் கார்டு அனுப்பப்படும்.

பான் கார்டுக்கு பதிலாக மின்னணு பான் கார்டையும் நீங்கள் பயன்படுத்தலாம். அதை உங்கள் கணினி, மொபைல் அல்லது வேறு எந்த சாதனத்திலும் பதிவிறக்கம் செய்து PDF ஆவணமாக நீங்கள் வைத்துக் கொள்ளலாம். அதற்கு நீங்கள் https://www.tin-nsdl.com/ என்ற இணையதளத்தில் சென்று ‘Instant e-PAN’ என்ற ஆப்சனை பயன்படுத்தி பதிவிறக்கம் செய்யலாம். இந்த மின்னணு பான் கார்டை வருமான வரி கணக்கு தாக்கல் செய்ய, வங்கி கணக்கு தொடங்க, கடன் வாங்க என பல்வேறு வகையான நோக்கங்களுக்கு பயன்படுத்தப்படலாம்.