ராயன் பர்ஸ்ட் லுக்… தனுஷ் கேங்கில் இணைந்த அந்த இரு நடிகர்கள்…!

தனுஷ் நடிப்பில் தயாராகியிருக்கும் அவரது 50 வது படத்தின் டைட்டில் மற்றும் பர்ஸ்ட் லுக் நேற்று வெளியானது. படத்துக்கு ராயன் என்று பெயர் வைத்துள்ளனர்.

தனுஷின் 50 வது படத்தை அவரே இயக்கி, நடித்துள்ளார். இதற்கு முன் ப.பாண்டி படத்தை தனுஷ் இயக்கியிருந்தார். ராயன் இயக்குநராக அவருக்கு இரண்டாவது படம். சன் பிக்சர்ஸ் தயாரிப்பில், ஏ.ஆர்.ரஹ்மான் இசையில் ராயன் உருவாகி வருகிறது.

இந்த கேங்ஸ்டர் படத்தில் தனுஷுடன் காளிதாஸ் ஜெயராம், சந்தீப் கிஷன், அபர்ணா பாலமுரளி, துஷாரா விஜயன் ஆகியோர் நடித்துள்ளனர். பொதுவாக படத்தின் பர்ஸ்ட் லுக்கில் நாயகனின் படத்துக்கு மட்டுமே முக்கியத்துவம் அளிக்கப்படும். ராயனில் தனுஷுடன் காளிதாஸ் ஜெயராம், சந்தீப் கிஷன் ஆகியோரும் இடம்பெற்றிருக்கிறார்கள். இதனால், ராயனில் அவர்கள் முக்கியமான வேடங்களில் நடித்திருப்பதை யூகிக்க முடிகிறது.

ராயன் தவிர்த்து, நிலவுக்கு என் மேல் என்னடி கோபம் படத்தை தனுஷ் இயக்க உள்ளார். அத்துடன் சேகர் கம்முலா இயக்கத்தில், பான் – இந்தியா திரைப்படம் ஒன்றில் நடித்து வருகிறார். இதில் தெலுங்கு நடிகர் நாகார்ஜுனா முக்கிய வேடம் ஒன்றில் நடிக்க உள்ளார். நாயியாக ராஷ்மிகா மந்தனா ஒப்பந்தமாகியுள்ளார்.

இந்தப் படங்கள் தவிர மாரி செல்வராஜ், கேப்டன் மில்லர் அருண் மாதேஸ்வரன் ஆகியோர் இயக்கத்தில் தலா ஒரு படம் தனுஷ் நடிக்கயிருக்கிறார். விரைவில் ராயன் படத்தின் வெளியீட்டு தேதியை அறிவிக்க உள்ளனர்.