இலங்கை கடற்படை மீண்டும் அட்டகாசம்.. எல்லை தாண்டி மீன்பிடித்ததாக கூறி 10 மீனவர்கள் கைது.!!

நாகை மீன்பிடி துறைமுகத்தில் இருந்து கடந்த 13ம் தேதி நள்ளிரவு 12 மணியளவில் அக்கரைப்பேட்டை, கீச்சாங்குப்பம், நம்பியார் நகர், சாமந்தன்பேட்டையை சேர்ந்த 10 பேர் மீன்பிடிக்க சென்றனர்.

இவர்கள் நேற்று காலை கோடியக்கரைக்கு தென்கிழக்கே 35 கடல் மைல் தொலைவில் மீன்பிடித்து கொண்டிருந்த போது, ​​அங்கு வந்த இலங்கை கடற்படையினர் எல்லை தாண்டி மீன்பிடிப்பதாக கூறி படகுடன் 10 பேரை கைது செய்தனர்.

பின்னர் காங்கேசன் துறைமுகத்துக்கு அழைத்துச் செல்லப்பட்டு பருத்தி நீதிமன்றத்தில் ஆஜர்படுத்தி சிறையில் அடைத்தனர். இதேபோல் கடந்த 13ம் தேதி புதுக்கோட்டை மாவட்டம் கோட்டப்பட்டினத்தை சேர்ந்த 13 மீனவர்களை இலங்கை கடற்படையினர் கைது செய்தனர். இவ்வாறு மீனவர்கள் அடுத்தடுத்து கைது செய்யப்படுவது மீனவர்கள் மத்தியில் கொந்தளிப்பை ஏற்படுத்தியுள்ளது. இதனை தடுக்க மத்திய அரசு உடனடியாக நடவடிக்கை எடுக்க வேண்டும் என கோரிக்கை விடுத்துள்ளனர்.