வெளியானது சூர்யாவின் கங்குவா படத்தின் சூப்பர் அப்டேட்!

சூர்யா நடித்துள்ள கங்குவா திரைப்படத்தின் இரண்டாம் பார்வை நாளை வெளியாகும் என படக் குழுவினர் அறிவித்திருக்கின்றனர்.

சிறுத்தை சிவா இயக்கத்தில் சூர்யா நடித்த வரும் திரைப்படம் கங்குவா. யு.வி கிரியேஷன்ஸ் மற்றும் ஸ்டூடியோ கிரீன் நிறுவனங்கள் இணைந்து தயாரிக்கும் இத்திரைப்படத்தில் சூர்யாவுக்கு ஜோடியாக பாலிவுட் நடிகை திஷா படானியும் வில்லனாக நட்டியும் (நடராஜ்) நடிக்கின்றனர். கங்குவா உலகளவில் 38 மொழிகளில் வெளியாக இருப்பதாக படத்தின் தயாரிப்பாளர் ஞானவேல் ராஜா தெரிவித்திருந்தார். படத்தின் முதல் மற்றும் இரண்டாம் கட்ட படப்பிடிப்புகள் மும்பை, கொடைக்கானல், சென்னையில் விறுவிறுப்பாக நடைபெற்று முடிந்தன.

இந்த படத்திற்கான படப்பிடிப்பு வேலைகள் சமீபத்தில் முடிந்தன. மேலும் இறுதி கட்ட பணிகள் நடைபெற்று வருகின்றன. அந்த பணிகளை முடித்து கோடை விடுமுறைக்கு படத்தை வெளியிட திட்டமிட்டு உள்ளனர். அதுவும் தமிழ் புத்தாண்டுக்கு வெளியிட முடிவெடுத்துள்ளனர்.

https://twitter.com/StudioGreen2/status/1746751653272015108

இந்த நிலையில் படத்தின் இரண்டாம் பார்வையை பொங்கல் பண்டிகையை முன்னிட்டு நாளை வெளியிடுவதாக படக்குழுவினர் அறிவித்திருக்கின்றனர். சூர்யா ரசிகர்கள் நீண்ட நாட்களாக கங்குவா திரைப்படத்தின் வெளியீட்டுக்காக காத்திருக்கின்றனர். அவர்களுக்கு விருந்தளிக்கும் விதமாக இந்த படம் அமையும் என எதிர்பார்க்கப்படுகிறது. இந்த நிலையில் படத்தின் இரண்டாம் பார்வையை நாளை வெளியகிறது.