இந்திய டி20 அணியில் என்னுடைய பணியே இது தான்.. மனதளவில் நிறைய தயாராகினேன்- சிவம் துபே கருத்து
இந்தூர் : ஆப்கானிஸ்தானுக்கு எதிரான இரண்டாவது டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி பெற்றது. டாஸ் வென்று முதலில் பந்து வீசிய இந்திய அணி ஆப்கானிஸ்தான அணியை 172 ரன்களில் சுருட்டியது.
இதனை அடுத்து களமிறங்கிய இந்திய அணி 15 புள்ளி நான்கு ஓவரில் நான்கு விக்கெட் இழப்பிற்கு 173 ரன்கள் எடுத்து எட்டியது. இதனை அடுத்து பேட்டிங்கில் சிவம் துபே 32 பந்துகளில் 63 ரன்கள் சேர்த்தார்.
இந்த நிலையில் நடப்பு தொடரில் தொடர்ந்து இரண்டு முறை அரைசதம் அடித்து சிவம் துபே அசத்தியுள்ளார். இது குறித்து செய்தியாளிடம் பேசிய அவர் என்னுடைய செயல்பாடு நினைத்து எங்கள் அணி கேப்டன் மகிழ்ச்சி கொண்டார்.நன்றாக விளையாடினாய் என்று என்னை பாராட்டினார். நானும் ஜெய்ஸ்வாலும் அதிரடியாக விளையாடக்கூடிய வீரர்கள்.
எங்களுக்கு எங்களுடைய ஆட்டம் குறித்து நன்றாகவே தெரியும். இந்திய டி20 அணியில் என்னுடைய பணி சுழற்பந்துவீச்சாளர்களை எதிர்கொண்டு அதிரடியாக விளையாட வேண்டும் என்பதுதான். இதுதான் எங்களுடைய திட்டம். நாங்கள் இருவருமே அதிரடியாக விளையாடி போட்டியை முன்கூட்டியே முடிக்க வேண்டும் என்று நினைத்தோம். அதற்காக இந்த ஓவர்களில் முடித்து விட வேண்டும் என்ற டார்கெட் வைத்துக் கொண்டு விளையாடவில்லை .
