Vijay Deverakonda: நடிகர் விஜய் தேவரகொண்டாவின் ‘ஃபேமிலி ஸ்டார்’ படத்தின் டீசர் ரிலீஸ் தேதி அறிவிப்பு!

நடிகர் விஜய் தேவரகொண்டா, மிருணாள் தாக்கூர் நடிப்பில், பரசுராம் பெட்லா இயக்கத்தில், ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில், பிரபல தயாரிப்பாளர்களான தில் ராஜு மற்றும் ஷிரிஷ் ஆகியோர் தயாரிப்பில் உருவாகி இருக்கும் திரைப்படம் ‘ஃபேமிலி ஸ்டார்’. குஷி படத்தின் வெற்றியை தொடர்ந்து விஜய் தேவரகொண்டா நடித்துள்ள இந்த திரைப்படத்தை ரசிகர்கள் ஆவலுடன் எதிர்பார்த்து கார்த்திருக்கின்றனர்.

இப்படத்தில் ஃபர்ஸ்ட் லுக் போஸ்டர் ஏற்கனவே வெளியாகி நல்ல வரவேற்பை பெற்றது. மேலும் இந்த திரைப்படத்திற்கான மியூசிக் புரோமோஷனாக படத்தில் இருந்து சார்ட்பஸ்டர் முதல் பாடல் ‘நந்தனந்தனா’ சமீபத்தில் வெளியானது. இந்த பாடல் சமூக வலைதளங்களில் மில்லியன் பார்வைகளைக் கடந்து சென்சேஷனல் ஹிட் ஆகியுள்ளது.

இதற்கிடையில் படத்தின் அடுத்த அப்டேட்டுக்காக ரசிகர்கள் ஆவலுடன் காத்திருந்தனர். இன்று ஸ்ரீ வெங்கடேஷ்வரா கிரியேஷன்ஸ் படத்தின் டீசரை அறிவித்து ரசிகர்களின் எதிர்பார்ப்பை பூர்த்தி செய்து ரசிகர்களை மகிழ்ச்சியில் ஆழ்த்தியுள்ளது. பெரிதும் எதிர்பார்க்கப்பட்ட இந்த படத்தின் டீசர் இன்று மாலை 6.30 மணிக்கு வெளியாகிறது. மேலும் படத்தை ஏப்ரல் 5ம் தேதி திரையரங்குகளில் வெளியிட படக்குழுவினர் முடிவு செய்துள்ளனர் என்பது குறிப்பிடத்தக்கது.