மாற்றம் கண்ட விஜய் டிவி… சன் டி.வியின் சீரியல்களின் நிலை என்ன? இந்த வார டி.ஆர்.பி

சின்னத்திரை சீரியல்கள் தற்போது ரசிகர்களின் இன்றியமையாத பொழுதுபோக்கு அம்சமாக மாறிவிட்டது. சீரியலுக்கு கிடைக்கும் வரவேற்ப்பின் காரணமாக, அவ்வப்போது புதிய சீரியல்கள் களமிறங்கி வருகின்றன. ஆனாலும் மக்கள் மத்தியில் சீரியல்கள் எவ்வாறு வரவேற்பை பெறுகின்றன என்பது சீரியலின் டி.ஆர்.பி ரேட்டிங்கை பொறுத்தே தீர்மானிக்கப்படுகிறது.

தனது ஒளிபரப்பை தொடங்கியதில் இருந்தே முன்னணியில் இருந்து வரும் சன்டிவியின் சிங்கப்பெண்ணே சீரியல் தவறாமல் இந்த வாரமும் 11.40 புள்ளிகளுடன் முதலிடத்தை பிடித்துள்ளது. அதேபோல் சைத்ரா ரெட்டியின் அற்புதமான நடிப்பில் ஒளிபரப்பாகி வரும் கயல் சீரியல் 11.38 புள்ளிகளுடன் 2-வது இடத்தை பிடித்துள்ளது. சுந்தரி பார்ட் 2 9.92 புள்ளிகளுடன் 3-வது இடத்தை பிடித்துள்ளது.

மாரிமுத்து இருந்தது வரை டி.ஆர்.பி ரேட்டிங்கில் தொடர்ந்து முதலிடத்தை பிடித்து வந்த எதிர்நீச்சல் சீரியல் அவரது இறப்பிற்கு பின் சறுக்களை சந்தித்துள்ள நிலையில், தற்போது டி.ஆர்.பி பட்டியலில் 4-வது இடத்தை 9.88 புள்ளிகளுடன் பிடித்துள்ளது. வானத்தை போல சீரியல் 9.48 புள்ளிகளுடன் 5-வது இடத்திற்கு தள்ளப்பட்டுள்ளது. ஆல்யா மானசாவின் இனியா தொடர் 7.74 புள்ளிகளுடன் 6-வது இடத்தை பிடித்துள்ளது.ஆனந்த ராகம் சீரயில் 7.66 புள்ளிகளுடன் 7-வது இடத்தை பிடித்துள்ளது. விஜய் டிவியின் சிறகடிக்க ஆசை சீரியல் 7.33 புள்ளிகளுடன் 8 வது இடத்தை பிடித்துள்ளது. விஜய் டிவியின் பாக்கியலட்சுமி சீரியல் 7.31 புள்ளிகளுடன் 9-வது இடத்திலும், ஆஹா கல்யாணம் சீரியல் 6.63 புள்ளிகளுடன் 10-வது இடத்தையும் பிடித்துள்ளது.