விஜயின் தமிழக வெற்றி கழகம் : அரசியலில் நுழைய காத்திருக்கும் பிரபல நடிகை

நடிகர் விஜய் தனது அரசியல் பயணத்தை குறித்து பிரபல நடிகை தனது கருத்தை தெரிவித்துள்ளார்.

விஜயின் அரசியல் கட்சி
விஜய் மக்கள் இயக்கமாக செயல்பட்டுக் கொண்டிருந்த விஜயின் ரசிகர் மன்றம் இன்று அரசியல் கட்சியாக மாறியுள்ளது.

அக்கட்சியானது ‘தமிழக வெற்றி கழகம்’ என பெயர் வைக்கப்பட்டுள்ளதாக நடிகர் விஜய் தனது சமூக வலைதள பக்கத்தில் அறிக்கை மூலம் தெரிவித்திருந்தார்.

மேலும் 2026 ஆம் ஆண்டு சட்டமன்ற தேர்தலைக் குறிவைத்து தனது கட்சி செயல்படும் என்று விஜய் அறிவித்துள்ளார்.

இது குறித்து பிரபல நடிகை ஒருவர் அவரது கருத்தை ஓர் நேர்காணல் மூலம் தெரிவித்துள்ளார்.

பிரபல நடிகையின் கருத்து
நடிகை வாணிபோஜன் இது குறித்து தெரிவிக்கையில், “நல்லது செய்ய வேண்டும் என்று நினைத்தால் யார் வேண்டுமானாலும் செய்யலாம். யார் வேண்டுமானாலும் அரசியலுக்கும் வரலாம். நடிகர் விஜய்யின் அரசியல் வருகையை நான் வரவேற்கிறேன். அவருக்கும் ஒரு வாய்ப்பு கொடுக்கலாம். அவர் என்ன செய்ய காத்திருக்கிறார் என்பதை பார்க்கலாம். எனக்கும் அரசியலில் இருக்க வேண்டும் என்ற ஆசை இருந்தது. இந்த ஆசை இன்று வரையில் இருக்கிறது” என கூறியுள்ளமை குறிப்பிடத்தக்கது.