தொப்பையை குறைந்து, சிம்ரன் போல் இடுப்பு வேண்டுமா? தண்ணீரில் இதை கலந்து குடிங்க

பல சமையலறை மசாலாப் பொருட்கள் வயிற்று கொழுப்பைக் குறைக்க உதவும். உங்களின் தொப்பை கொழுப்பைக் குறைக்க உதவும் அத்தகைய மசாலா பொருட்களில் ஒன்றைப் பற்றி தான் இன்று நாம் காணப் போகிறோம். இந்த மசாலா பொருள் ஓமம் ஆகும். எனவே இந்த ஓமத் தண்ணீரை தினமும் காலையில் வெறும் வயிற்றில் குடித்து வந்தால், உடல் மற்ற சத்துக்களை நன்றாக உறிஞ்சிக் கொள்ளும். ஏனெனில் ஓம (Carom Seeds) விதைகளில் பொட்டாசியம், தயாமின், சோடியம், கால்சியம், பாஸ்பரஸ், வைட்டமின்கள் மற்றும் தாதுக்கள் போன்ற ஊட்டசத்துக்குள் நிறைந்துள்ளன. அத்தகைய சூழ்நிலையில், ஓமம் தண்ணீரைக் குடிப்பதால் அஜீரணம் ஏற்படும் மற்றும் உடல் எடையும் குறையத் தொடங்கும். இந்நிலையில் ஓமம் தண்ணீரை குடிப்பதால் எப்படி தொப்பையை குறைக்கலாம் என்பதை இங்கே தெரிந்து கொள்வோம்.

தொப்பை கொழுப்புக்கு ஓமத் தண்ணீர் | Ajwain Water For Belly Fat :
உடலில் தேவையில்லாமல் சேர்ந்திருக்கும் கலோரிகளை எரிக்க, ஓமத் தண்ணீரை குடிக்கலாம். இந்த ஓமத் தண்ணீரை தயாரிக்க, ஒரு கப் தண்ணீரை கேஸ்ஸில் கொதிக்க வைத்து, அதில் ஒரு ஸ்பூன் ஓம விதைகளை சேர்க்கவும். இந்த தண்ணீர் கொதித்ததும் இந்த தண்ணீரை பின் வடிகட்டி குடிக்கவும். ஓம விதைகளின் இந்த நீர் வயிற்று கொழுப்பை (Belly Fat) எரிக்க உதவும்.

தண்ணீருடன் வறுத்த ஓமம்
தொப்பை கொழுப்பைக் குறைக்கவும், வயிற்று வலி போன்ற பிரச்சனைகளைப் போக்கவும், வறுத்த ஓம விதைகளை சாப்பிடலாம். இதற்கு ஒரு ஸ்பூன் ஓம விதைகளை வறுத்து அரைத்துக் கொள்ளவும். இந்தப் பொடியை உண்டபின் அதற்கு மேல் தண்ணீரை அருந்தவும்.

ஓமம் தேன் தண்ணீர்
ஒரு கிளாஸ் வெந்நீரில் ஒரு ஸ்பூன் தேன் மற்றும் 2 ஸ்பூன் ஓம விதைகளை சேர்த்து கலந்து கொள்ளவும். இந்த தண்ணீரை குடிப்பதன் மூலம் உடலுக்கு தாதுக்கள், அமினோ அமிலங்கள் மற்றும் வைட்டமின்கள் கிடைக்கும். இந்த உடல் எடையை குறைக்க உதவும் நீர் வளர்சிதை மாற்றத்தை மேம்படுத்துகிறது மற்றும் விரைவாக எடையை குறைக்க உதவும். இந்த தண்ணீரை தினமும் காலையில் வெறும் வயிற்றில் குடிக்கலாம். அதேபோல் இரவு உணவு சாப்பிட்ட அரை மணி நேரத்திற்கு பிறகு இந்த தண்ணீரை குடிக்கலாம்.

உடல் எடையை குறைக்க இந்த பானங்களையும் அருந்தலாம்:

உடல் எடை இழப்புக்கு ஓமத்தை தவிர, பல மசாலாப் பொருட்கள் உள்ளன அவற்றை தண்ணீருடன் அருந்தலாம். அதில் ஒன்று பெருஞ்சீரகத் தண்ணீர், இதை குடிப்பதால் உடல் எடையை விரைவாக குறைக்க தொடங்கலாம்.
சீரகத் தண்ணீர் தொப்பையை குறைக்க உதவும். இதற்கு ஒரு ஸ்பூன் சீரகத்தை ஒரு கிளாஸ் தண்ணீரில் இரவு முழுவதும் ஊற வைக்கவும். இந்த தண்ணீரை கொதிக்க வைத்து மறுநாள் காலையில் வெறும் வயிற்றில் குடிக்கவும்.
வெந்தய விதைகள் வயிற்று கொழுப்பைக் குறைக்க பெரிய அளவில் உதவும். வெந்தயத்தை தண்ணீரில் ஊறவைத்து, இந்த தண்ணீரை சூடாக்கி குடித்தால், குண்டான தொப்பை குறையத் தொடங்கும்.