“வாட் இஸ் திஸ் மா” இனிமேல் டீசருக்காக லோகேஷை பங்கமாக கலாய்த்த பிரபல நடிகை!

மாநகரம், கைதி, மாஸ்டர், விக்ரம், லியோ என அடுத்தடுத்து வெற்றி படங்களை கொடுத்தவர் இயக்குனர் லோகேஷ் கனகராஜ். அடுத்து சூப்பர்ஸ்டார் ரஜினிகாந்தின் 171 வது படத்தை இயக்கவுள்ளார். அந்த படத்துக்கான ஸ்க்ரிப்ட் வேலைகளில் மும்மரமாக ஈடுபட்டு வருகிறார். இந்தநிலையில், கடந்த மாதம் லோகேஷ் கனகராஜும், ஸ்ருதிஹாசனும் இணைந்திருக்கும் போஸ்டர் ஒன்றை ராஜ்கமல் பிலிம்ஸ் இன்டர்நேஷனல் நிறுவனம் வெளியிட்டது. அதில், ‘இனிமேல் டெலுலு இஸ் தி நியூ சொலுலு’ என்று கேப்ஷன் குறிப்பிடப்பட்டிருந்தது. லோகேஷ் கனகராஜை வைத்து ‘இனிமேல்’ என்ற ஆல்பம் ஒன்றை ஸ்ருதி ஹாசன் இயக்கவுள்ளார் என்றும், அந்த பாடலுக்கான வரிகளை கமல் ஹாசன் எழுதியுள்ளார் துன்று அதிகாரபூர்வ தகவல் வெளியாகி ரசிகர்களை குதூகலத்தில் ஆழ்த்தியது.

25 ஆம் தேதி இந்த பாடல் வெளியாகும் என்று கூறப்பட்டு வந்த நிலையில், நேற்று ஸ்ருதிஹாசன், லோகேஷ் கனகராஜ் இனைந்து நடித்திருக்கும் ‘இனிமேல்’ ஆல்பத்தின் டீசர் வெளியானது. டீசரில் இருவரும் பயங்கர நெருக்கமான காட்சிகளில் நடித்துள்ளனர். இதுவரை லோகேஷ் கனகராஜ் எடுத்துள்ள படங்களில் முத்தக்காட்சிகள், ரொமான்ஸ், ஹீரோயினுடன் நெருக்கம், ஐட்டம் டான்ஸ், பாடல்கள் என எதுவுமே இடம்பெற்றிருக்காது. ஆனால் படம் சூப்பர் டூப்பர் ஹிட் அடித்தது.

சில பேட்டிகளில், ‘எனக்கு ரொமான்ஸ்லாம் வராது’ என்று லோகேஷ் கனகராஜே கூறியிருப்பார். இப்படி இருக்க நேற்று வெளியான டீசரில் லோகேஷ் கனகராஜ் ஸ்ருதி ஹாசன் இருவரின் நெருக்கமான காட்சிகளை பார்த்த ரசிகர்கள் ஆச்சரியத்தில் உள்ளனர்.. பலரும் ‘ரொமான்ஸ் வராது சொன்னியே பா..” என்றெல்லாம் கமெண்ட் செய்து லோகேஷ் கனகராஜை செல்லமாக கலாய்த்து வருகின்றனர். அந்த வகையில், பிரபல நடிகை ஒருவர் லோகேஷ் கனகராஜை டேக் செய்து போட்ட போஸ்ட் ஒன்று இணையத்தில் வைரலாகி வருகிறது.

லோகேஷ் கனகராஜ் இயக்கத்தில் விக்ரம் படத்தில் பஹத் பாசிலுக்கு ஜோடியாக நடித்த நடிகை காயத்ரி தனது X தளத்தில், “உங்க படத்துல ரொமான்ஸ் பண்ணா தலைய வெட்டிட்டு..வாட் இஸ் திஸ் மா” என்று லோகேஷ் கனகராஜை டேக் செய்து கலாய்த்திருந்தார். இவரின் இந்த பதிவை ரசிகர்கள் பகிர்ந்து வருகின்றனர்.